Интернеттің кеңінен енгізілуі проблемалардың жаңа түрлерін тудырады, соның ішінде әлеуметтік желілерде адамды қорлау. Бұл құбылыс жасөспірімдер ұшырайтын кибербуллинг деп аталады.
СҚО полиция департаментінің арнайы тергеу-жедел тобы аймақтағы кәмелетке толмағандар арасындағы құқыққа қарсы контент пен кибербуллингті анықтау мәселелерімен айналысады. ПД бастығының орынбасары, полиция полковнигі Руслан Назаровтың айтуынша, күнделікті қызметкерлер Instagram, Twitter, VK, OK, TikTok, Facebook топтары мен қоғамдастықтарына балаларды құқыққа қарсы қол сұғушылықтан және олардың денсаулығы мен дамуына зардабын тигізетін ақпараттан оқшаулау және қорғау үшін мониторинг жүргізеді.
«2020 жылға және осы жылдың 6 айына жүргізілген мониторинг барысында интернет-сайттарға, оның ішінде порнографиялық мазмұндағы материалдармен 1725 сілтеме анықталды, олар бұғаттау үшін «Кибер қадағалау» жүйесіне жіберілді. Оқу орындарында полиция қызметкерлері тұрақты негізде интернетте қауіпсіз қарым-қатынас тақырыбында семинарлар мен дәрістер өткізеді», — деді «Nur Otan» партиясының СҚОФ жанындағы отбасы, әйелдер және балалардың құқықтарын қорғау мәселелері жөніндегі қоғамдық кеңестің отырысында Руслан Назаров.
Статистика
Көбінесе жасөспірімдер арасындағы кибербуллингтің нәтижесі суицид болуы мүмкін. Бүгінгі таңда бұл тақырып өте өзекті. Статистикаға сәйкес, 2020 жылы СҚО аумағында кәмелетке толмағандар арасында 6 суицид және 14 суицид әрекеті тіркелді. Осы жылдың 6 айында өңірде 1 суицид және 6 әрекет тіркелді.
«Петропавл аумағында кәмелетке толмағандардың құқықтарын қорғау жөніндегі мобильді топ өз қызметін үздіксіз жүзеге асыруда, оның міндеті – кәмелетке толмағандар арасындағы құқық бұзушылықтардың алдын алу мәселелері бойынша уәкілетті органдар жұмысының тиімділігін арттыру, балалардың құқықтары мен заңды мүдделерін қорғауды қамтамасыз ету. Сонымен қатар, облыстың білім беру ұйымдарында 1975 дәріс, әңгіме, дөңгелек үстел өткізілді», — деп атап өтті Руслан Назаров.
