Кәсіпкер болу — батылдық пен тәуекелге бел байлауды қажет етеді. Алғашқы қадамдарда олжалы табысқа жету — барлығына бірдей емес. Кейде бизнесті жабуға тура келеді. Бұл орайда мемлекеттік органдар өкілдерінің сізге қоятын сұрақтарының болмауы үшін оны заңды түрде дұрыс рәсімдеу маңызды.⠀
Бүгін біз сізге өз ЖШС қалай жабуға болатынын айтамыз. Мұны екі жолмен жасауға болады.
Еgov.kz арқылы:⠀
— Порталда авторизациядан өтіп, іздеуде «Заңды тұлғаның қызметін тоқтатуды мемлекеттік тіркеу, филиал мен өкілдікті есептік тіркеуден шығару» қызметін табыңыз. Қызметке онлайн тапсырыс беріңіз.⠀
— Өтінімдерді толтырып, құжаттарды сканерлеңіз. Егер сіз басшы болсаңыз, ЭЦҚ көмегімен қызметке қол қойыңыз.⠀
— Қызмет үшін мемлекеттік баж төлеңіз.⠀
ХҚО арқылы:⠀
— Телеграм-бот, Egov.kz немесе 1414 байланыс орталығы арқылы кезекке алдын ала тапсырыс беріңіз.⠀
— ХҚО операторынан заңды тұлғаның таратылуын мемлекеттік тіркеуге өтініш беріңіз. Өзіңізбен бірге қажетті құжаттарды алыңыз.⠀
Қызмет көрсету уақыты — 5 ж.к.
«Азаматтарға арналған үкімет» мемлекеттік корпорациясы» КЕ АҚ СҚО бойынша баспасөз қызметі